Бүгін облыс әкімі Алтай Көлгінов жұмыс сапарымен Тасқала ауданында болып, бірқатар мекеме-кәсіпорындарды, құрылыс нысандарын, кәсіпкерлер мен шаруа қожалықтарының жұмысымен танысуда.
Өңір басшысы ауданға сапарын "Орал-Тасқала-РФ шекарасы (Озинки)" автожолын қайта құру жұмыстарымен танысудан бастады. Облыс әкімі Еліміздегі "Нұрлы жол" бағдарламасымен өңірімізде жүзеге асып жатқан бірден-бір жол құрылысын сапалы және уақытылы атқарылуын тапсырды.
Сонымен қатар мектеп бітіруші түлектермен кездесіп, сәттілік тіледі.
Жеке кәсіпкер Сейтқали Шуктановтың аяқ киім тігу цехында болды. 2014 жылы "АШҚҚ" АҚ арқылы 2 млн теңге несие алып өз кәсібін ашып, бүгінде 5 адамды жұмыспен қамтып. Болашақта несие алып, кәсібін кеңейтпекші.
Бұдан соң облыс әкімі Тасқала аудан орталығындағы "Сәулет" мектеп-лицейінде болып, дарынды, өнертапқыш оқушылардың қолынан шықан туындылармен танысты.
Сондай-ақ өңір басшысы жеке кәсіпкер Гүлайым Жақыпованың ет өнімдерін сататын "Болашақ" дүкенінде, орталық базарда болып, азақ-түлік бағаларын білді.