Бүгін «Жайық Пресс» медиахолдингінің баспасөз орталығында ҚР Президенті жанындағы Орталық коммуникациялар қызметімен бірлесе ашылған арнайы орталық өз жұмысын бастады. Мұндажүйелі түрде әртүрлі маңызды тақырыптарда брифинг, баспасөз маслихаты өткізіліп тұратын болады.
ОКК-дағы алғашқы брифинг «Ассамблея – Қазақстандық біртектіліктің негізі» тақырыбында өтуде. Орталықтың алғашқы қонақтары - БҚО Қазақстан халқы Ассамблеясы төрағасының орынбасары Ғайса Хамидоллаұлы Қапақов, М.Өтемісұлы атындағы БҚМУ-дың стратегиялық даму және сапа департаментінің директоры Олег Винальевич Юров, БҚО әкімдігінің «Қоғамдық келісім» мекемесі ғылыми-сараптау бөлімінің басшысы Әсия Төлеубайқызы Жумина қатысуда.
Шараны кіріспе сөз сөйлеп ашқан облыстық "Приуралье" газеті бас редакторының орынбасары Қалиолла Қарағойшин жиналғандарды аталған орталықтың ашылуымен құттықтап, брифинг қатысушыларымен таныстырып, сөз кезегін модератор Бағдат Ізмағамбетке ұсынды.