Бүгін "Жайық Пресс" ЖШС-ның мəжіліс залында биылғы қала күні мерекесіне орай ұйымдастырылатын "Орал аруы -2016" жəне дизайнерлер арасында өтетін "Этно Фэшн" байқауының өту барысы талқыланған баспасөз брифингі өтті.
Баспасөз мəслихатына " Zhuldyz" модельдік студиясының директоры Жұлдыз Құспанова, белгілі продюсер Алпамыс Шаримов, "Орал аруы-2016" байқауының бас демеушісі Марат Қайырғалиев, "AdmiralNelson" ЖШС туристік компаниясының құрылтайшысы əрі облыстық топ моделі Қаламқас Файзолла қатысты.
Сондай-ақ қонақ ретінде Қазақстанның мемлекет және қоғам қайраткері Мұрат Əбенов келді.
Брифинг барысында Жұлдыз Құспанова сұлулық байқауына қатысу шарттарын, кастингке тіркелу тəртібі мен дайындық кестесі, өткізілу барысы туралы хабарлады.
Бас демеуші Марат Қайырғалиев "Қазақстан аруы-2016" ұлттық байқауында жеңімпаз атанған оралдық аруға берілетін бас жүлдеге Париж қаласына жолдама берілетіндігін айтты.
Ал продюсер Алпамыс Шаримов байқауды ұйымдастырудың кейбір құпияларын баяндап, байқауда тосынсыйлар болатынын айтты.
www.zhaipress.kz
Лəззат Шағатай