Бүгін "Ашық əкімдік" шарасында облыс əкімі Алтай Көлгінов тұрғындарды қабылдауда.
- Орал қаласындағы А. Пушкин атындағы көшесіндегі 11 пəтерлі екі қабатты үйде тұрамын. Үйдің ғимараты əбден ескірген. Облыс əкімі арнайы сараптама жүргізілген соң, апатты деп танылатынын айтты, - деді Орал қаласының тұрғыны Жамал Имамбекова.
Облыстық ішкі саясат басқармасының басшысы Бақытжан Нарымбетовтің айтуынша, бүгін 31 жергілікті атқарушы орган мен 13 коммуналдық ұйым мамандары тұрғындарға кеңес беруде. Қазіргі уақытта қоғамдық қабылдауға 100-ге тарта адам келіп үлгерген.
"Алдағы уақытта ауыл-аудандарда "Көшпелі қабылдау" ұйымдастыруды жоспарлаудамыз. Оған облыстық басқармалар басшылары қатысады", - деді Бақытжан Нарымбетов.
zhaikpress.kz
