13.02.2020, 14:41
Оқылды: 320

БҚО әкімі отбасы үлгісіндегі балалар ауылында тәрбиеленуші балғындармен кездесті

БҚО әкімі Ғали Есқалиев облыстық отбасы үлгісіндегі балалар ауылына барып, ата-анасының қамқорлығынсыз қалған балғындармен емен-жарқын тілдесіп, олармен бірге таңғы ас ішті.

akim det mini

Облыс әкімімен емен-жарқын кездесу барысында балалар сабақтан тыс уақытта баратын үйірмелері, сабақ үлгерімі туралы айтып, әкімнен жетістікке жетудің, табысқа кенелудің сырын сұрады. Ақыл-кеңесін тыңдады. Өз кезегінде өңір басшысы балғындарға сабақты жақсы оқумен қатар, спортпен жиі шұғылданудың тиімділігін айтты. Сондай-ақ биылғы Волонтер жылында жоспарланған іс-шаралар, олардың жастарға берер пайдасы туралы да ойын білдірді. Кездесу соңында облыс әкімі балғындарға өзінің жеке кітапханасындағы құнды кітаптарын сыйлады.

akim de (3)

Отбасы үлгісіндегі балалар ауылы 2003 жылы «Бөбек» қорының президенті Сара Алпысқызының бастамасымен ашылды.

-Қазір жалпы 80 балаға арналған 10 коттеджде бүгінде 57 бала тұрып жатыр. 2015 жылы балалар ауылы базасында «Жасөспірімдер үйі» ашылды. Онда Орал қаласындағы жоғары оқу орындары мен колледждерде оқитын 20 студент тұрады.

akim de (2)

Қазіргі кезге дейін балалар ауылынан 195 түлек бітіріп шықты. Олардың дені өмірде өз орындарын тауып, отбасын құрды, баспанаға ие болды. Балалар ауылының барлық түлегі баспана кезегінде тұр. Жуырда қоныстой тойлаймыз деп ойлаймын. Мұндағы мектеп оқушылары қаладағы №20 және №30 мектепке барып жүр.

akim de (1)

Мектептен тыс уақытта түрлі үйірмелерге қатысып, облыстық, республикалық деңгейдегі сайыстардың жеңімпазы атанып жүргендері де бар. Балалармен бірге қуанып, көңілдеріне кірбің түссе, бірге мұңаямыз, - деді отбасы үлгісіндегі балалар ауылының директоры Разия Сүйіншәлиева.

akim det

Айта кетейік, кездесуді "Аялаған алақан" қоғамдық қайырымдылық қоры ұйымдастырды. ҚР Президенті Қасым-Жомарт Тоқаев әр мемлекеттік қызметкер аптасына бірнеше сағат волонтерлық іске арнауға тапсырма берді. БҚО-да бұл бағытта үлкен жұмыстар атқарылуда. Волонтер болып, осы іске араласқысы келетіндер үшін Volunteer07.kz сайты жасақталды.

Гүлсезім Бияшева

zhaikpress.kz

akim de (4)

Батыс Қазақстанның маңызды жаңалықтарын біздің Instagram-дағы парақшамыздан және Telegram арнамыздан алғашқы болып біліңіздер

Узнайте первым о важных новостях Западного Казахстана на нашей странице
в Instagram и нашем Telegram - канале