Батыс Қазақстан облысында қора-қопсыға қоса 8 тонна пішен, мал өртеніп кетті.
БҚО ТЖ департаменті «Өрт сөндіру және авариялық құтқару жұмыстары қызметі» ММ мәлім еткеніндей, оқиға 7 желтоқсан күні Теректі ауданы Ақсоғым ауылында болды. Сағат 11.37-де Жеңіс көшесіндегі жеке тұрғын үйдің ауласында орналасқан шаруашылық нысанының өртеніп жатқаны жөнінде хабар түскен. Аумағы 40 шаршы метрді қамтыған өрттен 8 тонна пішен күлге айналды. Оған қоса 1 бас ірі қара мен бұзау, 20 үй құсы отқа оранды.
«Тілсіз жау» сағат 16.10-да оқшауланып, 17.51-де толықтай жойылды. Қазіргі кезде өрттің шығу себебі, келтірілген шығын анықталу үстінде.
inform.kz