15.07.2020, 0:34
Оқылды: 836

БҚО-да екі күнде 48 гектар дала мен орман өртенді (СУРЕТ)

f5570eb2-e077-41bb-9fb6-18b6ac3149ad

13 шілде күні БҚО-да 5 табиғи өрт – 3 дала және 2 орман өрті болды. 14 шілде күні 9 өрт дерегі тіркелген. Келген шығын есептелуде дейді БҚО ТЖ департаменті.

Өрт болған жерге облыс әкімі Ғали Есқалиев барды. Әкімнің тапсырмасымен өртті сөндіру мен салдарын жою үшін жедел штаб құрылды. Жағдай бақылауда.

c67d86c9-8179-4b85-85b9-5c142a718463

13 шілде күні сағат 17:10-да Ақжайық ауданының Чапаев ауылындағы өрт бөлімшесінен 30 шақырым жерде Чапаев орман шаруашылығының территориясында 7 гектар құрғақ шөпті алқап пен 20 гектар үйеңкі орманы өртенген. Сол кезде ауа температурасы 41С градус, желдің жылдамдығы 15-20 м/с болған. Өртке төтеншеліктердің 10 техникасы мен 75 қызметкері, орман шаруашылығының 8 техникасы мен 45 қызметкері, ерікті өрт сөндіру құрылымдарының 75 адамы мен 10 техникасы жұмылып, 14 шілде күні сағат 17:57-де сөндірген.

3dc3ad29-552d-422e-9a26-f38a57d1fe3a

13 шілде күні сағат 23:50-де Ақжайық ауданының Бударин ауылына қарасты Коловертное ауылынан 10 шақырым жерде өрт басталған. Қатты желдің салдарынан өрт Жайықтың келесі жағасына – Ақсоғым ауылының территориясына ауысқан. 14 шілде күні Коловертное ауылындағы өртті сөндіруге қосымша күш келеді. Жалпы 16 гектар аумақты шарпыған өрт сағат 18:02-де сөндірілген.

Екі үй, 4 шаруашылық құрылыс өртеніп кеткен. Коловертное ауылынан 42 адам эвакуацияланған. Бұл 55 үй бар ауылды 130 тұрғын мекен еткен. Қазір тұрғындар үйлеріне оралды, зардап шеккендер жоқ.

8fd9050f-1c94-408b-a004-39c871374443

Ауылға қауіп төнген бұл өртті сөндіруге Атыраудан «Қазавиақұтқару» АҚ-ның Ми-884 тікұшағы көмекке тартылды. Тікұшақтан 90 тонна су себілген.

13 шілде күні Көнеккеткен ауылы аумағындағы Есенсай орман шаруашылығының 9 гектар орманды алқабы отқа оранды. Бұл жерде 1 техника мен 4 төтеншелік, 12 ерікті жұмыс жасады.

14 шілде күні Теректі ауданының Шағатай және Ақсоғым ауылының арасында 16 гектар жер өртенді. Төрт төтеншелік пен 20 орман шаруашылығының қызметкері өртті сөндірді.

                Нұрлыбек Нұрланұлы

zhaikpress.kz

d2bc77d2-6a65-4cd4-845c-c4beb11487ca502555d1-457a-4880-ba62-b39989a70cd9 02d71ca2-f43a-45be-ba65-cd7b70f11309

9846cc33-a8fc-4137-9c9b-2dce451deadb

Узнайте первым о важных новостях Западного Казахстана на нашей странице
в Instagram и нашем Telegram - канале