«Конституция күні» мерекесі аясында Батыс Қазақстан облысында «Құқықтық тәртіп» жедел алдын алу іс-шарасы өтуде, деп хабарлады БҚО ІІД баспасөз қызметі.
Батысқазақстандық тәртіп сақшылары профилактикалық шара басталған сәттің бірінші тәулігінің ішінде 24 қылмыс ашып, оның ішінде іздеуде жүрген 2 қылмыскерді құрықтаған.
Сонымен қатар 465 әкімшілік заңнаманы бұзу дерегі анықталды. Оның 168-і қоғамдық тәртіпті бұзушылық. Мас күйінде көлік басқарған 15 адам, рөлде ұялы телефонмен сөйлескен 35 адам, жылдамдықты арттырған 60 жүргізуші ұсталды. Қауіпсіздік белдігін тақпаған 20, қозғалыстың қарсы бағытына шығып кеткен 5 жүргізуші назарға іліккен.
ҚР Көші-қон заңнамасын бұзғаны үшін 20 әкімшілік хаттама толтырылған.
zhaikpress.kz