«100 нақты қадам» – Ұлт жоспарында көрсетілген меритократия қағидасына сәйкес конкурстық комиссияның шешімімен Батыс Қазақстан облысы құрылыс басқармасының басшысы лауазымына Әлібек Сайынұлы Антазиев тағайындалды.
Антазиев Әлібек Сайынұлы – 1982 жылы туған. Білімі жоғары. М.Өтемісов атындағы Батыс Қазақстан мемлекеттік университетін және Батыс Қазақстан инженерлік-гуманитарлық университетінің «құрылыс» мамандығы бойынша тәмамдаған.
Әр жылдары:
- Атырау облысының энергетика және коммуналдық шаруашылық басқармасының жоспарлау шарт бөлімінің бас маманы;
- Орал қаласының құрылыс бөлімі өндірістік-техникалық секторының меңгерушісі;
- Батыс Қазақстан облысының құрылыс басқармасының тұрғын үй құрылысы мониторингі бөлімінің, өндірістік-техникалық бөлімінің басшысы;
2016 жылдың қазан айынан бастап Батыс Қазақстан облысының құрылыс басқармасы басшысының орынбасары қызметін атқарды.
