Батысқазақстандық мәдениет саласының қызметкерлері халықаралық көрмеге дайындалуда.
Облыстық мәдениет, архивтер және құжаттама басқармасының басшысы Дәулеткерей Құсайыновтың айтуынша, өнер саңлақтары халықаралық көрмеге қатысушылар назарына 10 концерттік бағдарлама, 8 спектакль, 2 мұражайлық үлкен көрме ұсынады. Көрмеге 470 адам, соның ішінде Дәулеткерей атындағы қазақ халық аспаптар оркестрі, екі облыстық театр, би ұжымдары және өнер жүлдыздары барады. ЭКСПО-ға қатысуға өткен жылдың аяғында облыстық бюджеттен 112 млн. теңге қаржы бөлінді. Бұл қаржы жол шығынына, сахналық киімдерді жаңартуға, материалдық -техникалық базаны нығайтуға жұмсалады.
Басқарма басшылығы «ЭКСПО-2017» көрмесін ұйымдастырушылармен кездесіп, көрменің ашылу және жабылу салтанатында өнер көрсеттеін алаңды көріп қайтты.
Гүлбаршын ӘЖІГЕРЕЕВА,
«Орал өңірі»
zhaikpress.kz