-Елбасы тапсырмасына сәйкес, облыс орталығынан қашықта орналасқан аудандарға салынып жатқан жол құрылысы жіті бақылауда, -деді БҚО әкімі Алтай Көлгінов тұрғындар алдындағы есептік кездесуінде.
-Қазталов, Жәнібек және Бөкей ордасы аудандарына 275 шақырым болатын республикалық маңызды автожол құрылысына «Қазавтожол» күрделі жөндеу жұмысы үшін жобалық-сметалық құжат әзірлеуде. Жол құрылысы биыл басталады. Алдағы 3 жылдың ішінде жол салынады.
Барлығы 464 шақырым жол жөнделеді. Чапай-Жапақтал-Қазталов-РФ республикалық маңызды жолының 326 шақырымы, Өнеге-Бисен және Қазталов-Жәнібек жолының күрделі жөндеуі жалғасады.
Сырым бекетін қайта жабдықтаймыз, Самара-Шымкенттің 78 шақырымы мен Атырау қаласына апартын жолдың 105 шақырымы орташа жөндеуден өтеді. Облыстағы жолдардың 80 шақырымы жөнделеді.
Үлкен-Шаған-Переметный-Вечный бағытындағы жолдың күрделі жөндеуі басталды. Биыл аяқтау жоспарда бар. Биыл Бөрлі-Ақсай-Жымпиты жолының жөндеу жұмысы аяқталып, Шыңғырлау-Лубен-Лебедевка, Тасқала-Аққурай-Болашақ жолын күрделі жөндеу басталады. Федоровка-Ақсай жолы орташа жөндеуден өтеді, -деді Алтай Сейдірұлы.
Динара Насыр
суретке түсірген Темірболат Тоқмамбетов
© zhaikpress.kz
Батыс Қазақстанның маңызды жаңалықтарын біздің Instagram-дағы парашамыздан және Telegram каналымыздан алғашқы болып біліңіздер
