12.12.2019, 16:47
Оқылды: 36

Мемқызметкерге сыйлық ұсынатын азаматтарға қандай жаза тағайындалады?

ҚР Сыбайлас жемқорлыққа қарсы іс-қимыл агенттігінің серіктестік департаментінің бас сарапшысы Сымбат Исрапулова мемлекеттік қызметшілердің заңды бұзып сыйлықтарды алу фактілерін анықтау бойынша қоғамдық мониторинг жүргізіліп жатқанын мәлім етті, деп хабарлайды "Ұлт ақпарат".

mem

«Мемлекеттік қызметкерге қызметтік міндеттерін орындағаны үшін кез келген сипатта сыйлық ұсынуға тыйым салынады. Егер сыйлықтың құны 2 АЕК-тен (5 050 теңге) төмен болса, сыйлық ұсынушыға 200 АЕК (505 000 теңге) мөлшерінде әкімшілік айыппұл салынады. Бұл жағдайда сыйлықты қабылдап алған мемқызметшіге 600 АЕК (1,5 млн теңгеден астам) айыппұл көзделген. Ал, бұл сомадан жоғары көрсеткіштердің бәрі пара деп саналып, қылмыстық жауапкершілікке әкеледі», - деді Сымбат Исрапулова агенттікте өткен баспасөз мәслихатында.

Мемлекеттік қызметкердің өзі білмей келiп түскен, сондай-ақ ол тиiстi функцияларын атқаруына байланысты алған сыйлықтар жетi күн мерзiмде арнаулы мемлекеттiк қорға тапсырылуы тиіс.

«Бұл үшін жергілікті жердегі мемлекеттік қызметкер мемлекеттік мүлік және жекешелендіру департаментіне жүгінуі қажет. Шындығына келсек, мемлекеттік қызметкерлерге 2 мың теңге немесе кәмпит қорабын ұсынып, 200 есе артық айыппұл төлеуге тура келетін мәнсіз «алғыстардың» салдарын білу керек. Алдағы мерекелер қарсаңында барлық мемлекеттік қызметшілерге бағыныштылардан және басқа да адамдардан сыйлықтар алу, бұл – әдеп пен сыбайлас жемқорлыққа қарсы заңнаманы өрескел бұзу екенін еске саламыз», - деді ол.

zhaikpress.kz

Батыс Қазақстанның маңызды жаңалықтарын біздің Instagram-дағы парақшамыздан және Telegram арнамыздан алғашқы болып біліңіздер

 

 

Узнайте первым о важных новостях Западного Казахстана на нашей странице
в Instagram и нашем Telegram - канале