Мемлекет бұл мақсатқа жыл сайын 50 млрд. теңге бағыттамақ. Ал мүмкіндігі шектеулі балаларды тәрбиелеп отырған ата-аналарға, қамқоршыларға және отбасыларға берілетін жәрдемақы 30%-ға артады.
- Халықтың әл-ауқатын жақсарту үшін Ұлттық қордан ақша бөлу туралы шешім қабылдадым. Атаулы көмек ең мұқтаждарға берілуі керек. Өзім бұны жеке бақылауда ұстаймын. Мұғалімдердің жалақасын 30 пайызға, өздерінің кәсібилігін дәлелдегендерге 50 пайызға өсірдік. 1 шілдеден бастап бюджет саласындағы жалақасы ең аз адамдардың жалақысын 30 пайызға өсіруді тапсырамын, -деді Елбасы «Нұр Отан» партиясының кезекті XVIII съезінде.
