Облыс әкімі Ғали Есқалиев Қазақстанның халық әртісі, театр және кино майталманы Меруерт Өтекешевамен кездесті.
Кездесу барысында өңіріміздің мәдениеті мен өнерінің дамуы турасында әңгіме өрбіді.
Айта кетейік, Меруерт Қаратайқызының жетекшілігімен өңірімізге Қазақ Ұлттық өнер университетінің актер шеберлігі және режиссура кафедрасының студенттері келді.
Бүгін Х.Бөкеева атындағы облыстық қазақ драма театрында сағат 17.00-де университет студенттері «Sol bir kez» атты музыкалық спектаклін қояды. Ал 18-19 маусым күндері студенттік театр Қазталов пен Жаңақала аудандарында қойылым көрсетпек.
Батыс Қазақстан облысы əкімінің Жұртшылықпен байланыс жөніндегі қызметі,
суретке түсірген Александр Куприенко
