Оқиға 1 шілде күні сағат 22.15-те Ә.Кердері көшесі 172/1 мекенжайында орналасқан бес қабатты үйдің 36-пәтерінде орын алды. Ересектердің қарауынсыз қалған 2018 жылғы қыз бала 2 қабаттағы терезеден құлап түскен.
Анасы асүйде болған кезде сәби ашық тұрған терезенің жақтауына шыққан. Ол жабық бас-ми жарақатын алып, миы шайқалған күйде ауруханаға жеткізілді.
Жағдайы орташа ауыр. БҚО Төтенше жағдайлар департаменті ата-аналарға балаларын қараусыз қалдырмауды тағы да ескертеді.
Құрметті ата-аналар! Балаларды қараусыз қалдырмауға, бөлмелерінде ашық терезелермен тіпті қысқа мерзімге де қалдырмауды сұраймыз, өйткені бұл қайғылы оқиғаларға әкелуі мүмкін.
Баланың терезеден құлауына байланысты жазатайым оқиғаны болдырмау үшін келесі ережелерді ұстану қажет:
• пәтерде терезелерді және бөлмені желдеткен кезде баланың қараусыз қалмағанына көз жеткізіңіз.
• желдету кезінде фрамугалар мен форточкаларды ашыңыз. Егер сіз терезені ашсаңыз, оны 10 см артық ашпаңыз, осы мақсат үшін шектегіштерді қойыңыз.
• балконға ересектердің еріп жүруінсіз шығуға рұқсат бермеңіз.
• ешқашан ұйықтап жатқан баланы пәтерде жалғыз қалдырмаңыз. Бала оянып, ашық терезеге баруы мүмкін.
• барлық жиһазды, соның ішінде кереуеттерді терезеден алыс қойыңыз. Бұл баланың терезе алдына кездейсоқ түсуінің алдын алуға көмектеседі.
• москит торлары үлкен қауіп төндіреді: бала алдында қандай да бір кедергіні көреді, оған сенімді тіреледі, нәтижесінде ең кішкентай баланың салмағына есептелмеген тормен бірге құлап кетуі мүмкін.
• егер 5-7 жастағы бала пәтерде жалғыз қалудан қорықса, оны тіпті қысқа уақытқа да қалдырмаңыз. Көбінесе үрей құшағында қалған балалар ата-аналарын терезеден немесе балконнан қарауы мүмкін, бұл жоғарыдан құлауға әкеп соғады.
БҚО ТЖД баспасөз қызметі