Бүгін Орал қаласындағы Салтанат сарайында «Ана. Қоғам. Болашақ» атты қалалық аналар форумы өтті.
Форум жұмысы «Ана мен бала» көрмесімен ашылып, «Жұлдыз» би студиясының тәрбиеленушілері мен аналары «Ана мен бала» сазды-хореографиялық композициясын орындады.
Жиынды Орал қаласы әкімінің орынбасары Бақытжан Нарымбетов ашып, көп балалы аналарға мемлекет тарапынан көрсетілетін қолдау туралы баяндады. Сондай-ақ форумда облыстық онкологиялық диспансерінің бөлім басшысы, маммолог-дәрігер Әлия Үшбаева сүт безі қатерлі ісігі төңірегінде, Орал қалалық №5 емхананың гинеколог-дәрігері Арайлым Балтаева гинекологиялық дерттер туралы мағлұмат берді. Көп балалы аналар сала мамандарына сауалдарын қойып, шара Эстетикалық бағыттағы мектеп-гимназиясының оқушыларының орындауындағы «Ана» әнімен тәмамдалды.
Гүлсезім Бияшева
zhaikpress.kz
Батыс Қазақстанның маңызды жаңалықтарын біздің Instagram-дағы парақшамыздан және Telegram арнамыздан алғашқы болып біліңіздер