Оралдағы дарынды балаларға арналған мамандандырылған С.Сейфуллин атындағы №11 облыстық қазақ мектеп-интернатында жалпы білім беретін пәндер бойынша оқушылар арасында республикалық олимпиаданың облыстық кезеңі өтуде.
Олимпиадаға 410 оқушы қатысуда. Жеңімпаздар жаратылыстану-математикалық бағыт бойынша 15-20 наурыз Ақтөбе қаласында, ал қоғамдық-гуманитарлық пәндер бойынша 25-30 наурыз Қызылорда қаласында өтетін республикалық олимпиадаға жолдама алады.
6 қаңтар күні сағат 09:00-де Х.Бөкеева атындағы облыстық қазақ драма театрында жалпы білім беретін пәндер бойынша республикалық олимпиаданың облыстық кезеңінің жабылу салтанаты өтеді.
Білім басқармасының баспасөз қызметі
