Бүгін сәуір-мамыр айларында қашықтықтан өткен байқау жеңімпаздарына Батыс Қазақстан облыс әкімі Ғали Есқалиевтің алғыс хаттары мен арнайы сыйлықтарын Батыс Қазақстан облыстық мәдениет басқармасының басшысы Сайран Дүйсенов табыс етті.
- «Өнер – жұтамас байлық» дейді атам қазақ. Өнерге, мәдениетке құрмет көрсету – баршаны биікке жетелейді.
Өткен мамыр-сәуір айларында облыстық мәдениет басқармасының қолдауымен рухани құндылықтарды арттыру, дарынды өнерпаздарды анықтау, ел арасында шығармашыл жандарының өнерін шыңдау, оларға қолдау көрсету мақсатында бірнеше қашықтықтан байқау ұйымдастырған болатынбыз.
Оның ішінде Ұлы Отан соғысы жылдарындағы тұрмыс-тіршілік» облыстық қашықтық шығармалар байқауы, «Отаным – алтын бесігім» отбасылар арасындағы облыстық қашықтық кароке-paty байқауы, Ұлы Жеңістің 75 жылдығына орай «Жеңіс оңай келген жоқ» облыстық қашықтық суреттер және мәнерлеп оқу байқауы, «Туған жерім – ең көрікті мекен» өлке тарихын жақсы білетін отбасылар арасында облыстық қашықтық онлайн викториналық сайысы, т.б. атауға болады, - дейді Батыс Қазақстан облыстық халық шығармашылығы орталығының бөлім меңгерушісі Айгүл Орынғалиева.
Ертай Бимұханов,
zhaikpress.kz