Шілденің 30-нан 31-не қараған түнде, дәлірек айтсақ, 23 сағат 59 минутта, бірыңғай кезекшілік-диспетчерлік қызметінің пультіне Орал қаласындағы бес қабатты көп пәтерлі тұрғын үйде өрт шыққандығы туралы хабарлама түсті.
Оқиға орнына дереу жеткен өрт сөндірушілер И.Ларин көшесі, 9-шы үйдің төртінші қабатындағы №53 пәтердің қонақ бөлмесінде және кіре берісінде жеке заттар мен жиһаз жанып жатқандығын анықтап, үй тұрғындарын эвакуациялауға және құтқаруға кірісті. Нәтижесінде улы газға тұншыққан 6 адам қауіпсіз жерге шығарылып, «жедел жәрдем» бригадасына тапсырылды.
Жеке құрамның 22 құтқарушысы мен 8 техника жұмылдырылған өрт бір сағат жарым уақыттың ішінде толықтай сөндірілді.
БҚО ТЖД қызметкерлерінің уақтылы және жедел әрекеттерінің арқасында 6 адам, оның ішінде 1 бала құтқарылып, 27 адам (9 бала) эвакуацияланды.
Қазіргі таңда өрттің шығу себебі мен оған кінәлі адамдар, келтірілген шығын көлемі анықталуда.
БҚО ТЖД мемлекеттік тіл
және ақпарат тобы
zhaikpress.kz