Шахмат ойыны – адамның ой–өрісін кеңейтетін, күшті емес ойды қажет ететін, облысымызда дамып келе жатқан спорттың түрі.
Жастар арасында спорттың шахмат түрін кеңінен насихаттау, логикалық ойлау қабілеттерін дамыту мақсатында "Жас Отан" Жастар қанаты БҚО филиалының ұйымдастыруымен "Шахмат" ойынынан ашық турнир өтті. Жарысқа 40-тан астам ойыншы қатысып, өз бақтарын сынады. Тартысты өткен жарыс қорытындысы бойынша ұлдар арасында І орынды Жұбаев Данияр, ІІ орынды Уташев Мейрамбек, ал ІІІ орынды Ермеков Ізбасар иеленді.
Қыздар арасында І орын Ғалымжанова Алтынгүлге, ІІ орын Душембаева Зайтунаға, ал ІІІ орын Байзуллина Тахминаға бұйырды.
Жарыс жеңімпаздарына арнайы дипломдар мен бағалы сыйлықтар табысталды.
