Оралдағы «Еуразия» туристік сауықтыру кешенінде Батыс Қазақстан инновациялық-технологиялық университетінің және Ұлттық ғылыми-практикалық дене тәрбиесі орталығының ұйымдастыруымен Жастар жылына орай республикалық Х жазғы универсиада өтуде.
Ұлттық ғылыми-практикалық дене тәрбиесі орталығының спорттық шараларын өткізу зертханасы басшысының орынбасары Мира Мұхамадиеваның айтуынша, аталған жарыс өңірімізбен қатар Ақтөбе, Алматы, Тараз, Шымкент, Өскемен, Семей қалаларында да өтеді.
-Аталмыш жарысқа еліміздің барлық аймағының ЖОО-ларынан 90-ға жуық студент қатысуда.Олар садақ ату мен спорттық бағдарлаудан сайысқа түседі. Жалпы бұл жарыс студент жастардың арасында бұқаралық спортты дамыту мақсатында ұйымдастырылып отыр, - дейді Мира Мұхамадиева.
Айта кетейік, спорттық бағдарлау 21-і, садақ ату 27 сәуір күні аяқталады.
Есенжол Елекенов,
zhaikpress.kz
Батыс Қазақстанның маңызды жаңалықтарын біздің Instagram-дағы парақшамыздан және Telegram арнамыздан алғашқы болып біліңіздер