Оралда тоғыз қабатты жатақханада өрт шығып, 119 адам эвакуацияланды, деп хабарлайды ҚазАқпарат тілшісі.
БҚО Төтенше жағдайлар департаментінің баспасөз қызметінен түскен мәліметке қарағанда, оқиға 16 сәуір күні сағат 21.28-де Еуразия даңғылында болды. Жатақхананың алтыншы қабатындағы 121-пәтер отқа оранды. Өрт аумағы 80 шаршы метрді қамтыды.
Оқиға орнынан 119 адам эвакуацияланса, соның 43-і – балалар. «Тілсіз жау» өрт сөндірушілердің күшімен (24 адам, 6 техника) сағат 22.05-те ауыздықталды. Оқиға орнына құтқарушылар да (4 адам, 1 техника) барды.
zhaikpress.kz