Бүгін облыс әкімі Алтай Көлгінов Тасқала ауданы орталығынан «Нұрлы жер» бағдарламасымен салынып жатқан тұрғын үйдің құрылысымен танысты.
Әр қайсысы 36 пәтерден тұратын қос үйдің құрылысы өткен жылы басталған. Үш қабатты әр үйде 12 бір бөлмелі, 24 екі бөлмелі пәтер орналаспақ. Аталған үйдің құрылысын «Альтаир» ЖШС жүргізуде. Жобалық құны 831 млн. теңге болатын көп қабатты тұрғын үй кезекте тұрған аудан тұрғындарына жалдамалы пәтер ретінде табысталмақ. Құрылыс жұмыстары жылдың соңына дейін аяқталады. Құрылыс жұмыстарына 50 жұмысшы тартылған болса, соның 16-сы аудан тұрғындары.
Нұрбек Оразаев,
ФОТО: Александр Куприенко
