БҚО-да дәл бүгінге дейін 10 аудан әкімі есеп берді. Аудан әкімдерінің есептеріне қатысқан облыс әкімі Алтай Көлгіновке жергілікті тұрғындардан түрлі ұсыныстармен қатар қызықты сұрақтар да қойылды.
Мәселен, Жәнібек ауданының орталығында «КПО» б.в компаниясының әлеуметтік кепілдемесі негізінде тоғыз көшеге жөндеу жүргізілді. Екі көшеге тротуар салынды. Енді жәнібектіктер облыс әкімінен көшелерге бағдаршам орнатуға ықпал етуін сұрады.
Ал тасқалалық бір тұрғын өңір басшысына "Жақсы жобалар болса, біздің ауданға жіберіңіз" деп әзілдеп болса да мәселелерін жеткізді. Тұрғындардың көпшілігінің айтқаны жеке басының мәселесі емес, ортақ іс жайы болды. Аудандарда сөз алушылар арасында қоқыстан тазарту, қар аршу, ағаш отырғызу сияқты жұмыстарды қоғам болып атқаруға шақырушылар қарасы мол. Әсіресе жастардың мұндай істерді үнемі қолдайтыны, бастамашы болатыны қуантты.
Сурет авторлары А.Куприенко, Т.Тоқмамбетов
