2020 жылдың 3 шілдесі облыстық «AQJAIYQ» телеарнасында «Адалдық Алаңы» телебағдарламасы бастау алды.

 Телебағдарламаның алғашқы қонақтары ҚР Сыбайлас жемқорлыққа қарсы іс-қимыл агенттігінің (Сыбайлас жемқорлыққа қарсы қызмет) Батыс Қазақстан облысы бойынша департаменті Превенция және парасаттылық басқармасының аға офицері Н.М.Ихсанғалиев, «Ақжайық – Адалдық Алаңы» жобалық кеңсесінің басшысы Ә.Ө.Салиева, облыстық ақпараттық-ағартушылық штабының жетекшісі Н.Қ.Жолдасқалиев және қоғам өкілі А.Қ.Мусилов болды.

 Бағдарлама барысында қоғамда сыбайлас жемқорлыққа қарсы мәдениетті, парасаттылықты қалыптастыру бағытындағы атқарылып жатқан жұмыстар және қоғамдағы өзекті мәселелер талқыланды.

 БҚО Сыбайлас жемқорлыққа қарсы қызметтің аға офицері Н.М.Ихсанғалиев өңірдегі сыбайлас жемқорлықтың деңгейіне, статистикалық мәліметтерге тоқталса, «Ақжайық – Адалдық Алаңы» жобалық кеңсесінің басшысы Ә.Ө.Салиева жобалық кеңсе жұмысының негізгі бағыттары туралы телекөрермендерді ақпараттандырды.

 Сонымен қатар, облыстық ақпараттық-ағартушылық штабының жетекшісі Н.Қ.Жолдасқалиев облыстық Штабпен атқарылып жатырған жұмыстарға, қоғам өкілі А.Қ.Мусилов жол саласында тіркеліп жатырған сыбайлас жемқорлық жағдайларына тоқталып өтті.

 Бағдарлама барысында телекөрермендерге сыбайлас жемқорлықтың алдын-алу, жолын кесу бағытында атқарылып жатырған жұмыстар бойынша бейнеролик көрсетілді.

 Егер сізге сыбайлас жемқорлық фактілері туралы белгілі болса, онда сіз тәулік бойы жұмыс істейтін Сыбайлас жемқорлыққа қарсы қызметтің 1424 Call-орталығына хабарласа алатыныңызды есіңізге саламыз.

  zhaikpress.kz