Бүгін Орал қаласының мамандандырылған халыққа қызмет көрсету орталығында «Ашық әкімдік» жобасының тағы бір фронт-офисі ашылды.
Фронт-офистің ашылу салтанатына Орал қаласының әкімі А.Шыныбеков, БҚО бойынша сыбайлас жемқорлыққа қарсы қызметтің басшысы Р.Ақмырзаев, БҚО бойынша мемлекеттік қызмет істері департаментінің басшысы Ғ.Тұрсынбаев, «Ақжайық – адалдық алаңы» жобалық кеңсесінің басшысы Ә.Салиева, қала тұрғындары мен БАҚ өкілдері қатысты.
-Біздер мемлекет басшысы Қасым-Жомарт Тоқаевтың азаматтардың барлық сындарлы өтініш-тілектерін жедел әрі тиімді қарастыратын «Халық үніне құлақ асатын мемлекет» тұжырымдамасынының облыста іске асырылуының куәгері болып отырмыз. Адалдық, әділдік сияқты құндылықтарды қалыптастыруда фронт-офистердің орны ерекше, - деді Р.Ақмырзаев фронт-офистің ашылу салтанатында.
Айта кетейік, фронт-офистердің негізгі мақсаты – халыққа қызмет көрсетуді қамтамасыз ету кезінде ашықтықты қамтамасыз ету.
zhaikpress.kz
Батыс Қазақстанның маңызды жаңалықтарын біздің Instagram-дағы парақшамыздан және Telegram арнамыздан алғашқы болып біліңіздер