15 шілде күні Батыс Қазақстан облысына Катардан және Дүниежүзілік денсаулық сақтау ұйымынан келген гуманитарлық көмек көпбейінді қалалық ауруханаға жеткізілді.
Гуманитарлық көмектің тиісті жерге жеткізілу барысын БҚО Сыбайлас жемқорлыққа қарсы қызметтің қызметкерлері, «Халықтық бақылау» комитетінің өкілдері және қоғам өкілдері мен еріктілер бақылады.
Бұл келген гуманитарлық көмекке алыпсатарлықты болдырмау мақсатында атқарылып жатырған жұмыстардың бірі. Әрбір дәрі-дәрмек пен қорғаныс заттары тиісті мақсатта қолданылатын болады.
Егер азаматтар дәрі-дәрмектер бағасының негізсіз көтерілу фактілеріне тап болған жағдайда, БҚО Тауарлар мен көрсетілетін қызметтердің сапасы мен қауіпсіздігін бақылау департаментіне, «Ақжайық – Адалдық Алаңы» жобалық кеңсесінің 8 747 492 91 79 WhatsApp нөміріне және республикалық «Адалдық Алаңы» кеңсесінің 8 702 000 24 94 нөміріне хабарласа алатындықтарын естеріңізге саламыз.
zhaikpress.kz