М.Ықсанов атындағы колледжде облыстық «Орал өңірі» газеті бас редакторының орынбасары Сырымбек Тұяқов оқырмандармен кездесті. Жәнібек ауылының ардагерлері, мекеме басшылары мен бір топ қызметкерлер қатысқан кездесуді аудан әкімінің орынбасары Біржан Меңешов ашып, жүргізіп отырды. Б.Нұрланұлы Орал қаласынан келген мейманды таныстырып, оған сөз кезегін ұсынды. Жиналыс еркін түрде пікір алмасу арқылы жалғасты. Ауыл ақсақалдары, мекеме басшылары, кітапханашылар өздерін толғандырған сұрақтарын қойып, С.Жәрдемұлы сауалдар мен ұсыныс-пікірлердің алдағы уақытта ескерілетінін айтып, тұшымды жауап берді.
Сырымов Сағыныш
Жәнібек ауданы
