Қаратөбе ауданының Қаракөл ауылдық округіндегі мәдениет саласының басшысы Ерболат Рамазанов бастаған сала қызметкерлерінің жұмысы ауыл тұрғындарының көңілінен шығып келеді.
Ата-анадан жалғасқан өнерді серік еткен Ерболат Ғазезұлы алдағы сәрсенбіде «Қазақстан - Орал» телеарнасының шақыруымен өнер сахнасында көпшілікке танымал болып жүрген округтегі «Елім-ай» халықтық әжелер ансамблімен бірге телеарнаның «Күншуақ» бағдарламасына қатысуға бармақ. Аудан, округ сахналарында өз өнерлерін паш етіп жүрген әжелер ансамблінің өнері енді облысқа да кеңінен таныла бастамақ.
Ерболат Райсов
Қаратөбе ауданы