Тәуелсіздіктің 25 жылдығына орай «25 игі іс» акциясы аясындағы кезекті эстафета Қаратөбе ауданындағы Аққозы ауылдық округінен Саралжын ауылдық округінен жалғасын тапты.
Шараға қатысушыларды Аққозы ауылының делагаты аудандық маслихат депутаты Қобыланды Жұмағалиев Тәуелсіздіктің 25 жылдығымен құттықтап, игілікті істер еліміздің болашағы үшін жасалып жатырған шара екендігіне тоқталды.
Саралжын ауылдық округ әкімі Қайыр Бисенғалиұлы сөз алып келген делегаттарға алғыс айтып игі істер өз жалғасын таба беруін тілге тиек етті.
Аталмыш қос ауылдың әкімдері сондай ақ белсенді жастар ауыл алқабын абаттандыру мақсатында алма және алмұрт ағаштарын отырғызды.
Шара соңында эстафеталық кубокты Саралжын ауылдық округінің жастармен жұмыс жөніндегі ресурстық орталығының маманы Мейірбек Бисенғалиевке табыс етті.
Маралбек Амантаев
www.zhaikpress.kz
