Ақжайық ауданының Жаңабұлақ ауылында «Жаңа Дем» Республикалық жастар конгресінің қолдауымен облыстық «Жасыл ел» еңбек жасағының мүшелері келіп, қайырлы істер орындады. Штаб жетекшісі Қанат Досмағанбетов ауылдағы мектеп оқушыларымен бірігіп, олар әл-қуаты кем жандардың, мүмкіндігі шектеулі тұрғындардың үй шаруаларына көмектесті. Қысқы отындық ағаштарын ұсақтап, 3 үйдің қақпа, есік, терезелерін сырлап берді. Бір үйдің ауласын жөндеді. Ауылдықтар оларға шексіз ризашылықтарын арнады.
– Еліміздегі «Жасыл ел» жасақтарының үлкен істерінен, маңайларына қайырымдылықтарынан да жақсы хабардармыз. Міне, оның мысалын өз ауылымыздан да көріп отырмыз. «Адам күні – адаммен» деген, оларға алғысымыз шексіз,- деді қария Ғазез Абатов.
Бекем Бекұлы
Ақжайық ауданы