Қарашаның 21-і күні «Нұр Отан» партиясы аудандық филиалының мәжіліс залында Тәуелсіздіктің 25 негізіне арналған 25 жұлдызды күндеріне орай басқосу өтті.
Басқосуға аудандық ішкі саясат бөлімінің басшысы А.Дүйсенова, әділет басқармасының басшысы Қ.Тасқалиева, халыққа қызмет көрсету орталығының басшысы Н.Құрмышева және жастар мен ата-аналар қатысты. Жиында Қарлығаш Дәуітқызы құттықтау сөз сөйлеп, 16 жасқа толған Қазақстан азаматтарына салтанатты түрде жеке куәлікті тапсырды. Сондай-ақ, Айгүл Серікбайқызы «Нұр Отан» партиясының қатарына жаңадан қосылған бірқатар жастарға партия билеттерін табыстады.
Манас Әжіғалиев
Тасқала ауданы
