Тамыз айының 7-сі күні Бөкей Ордасы ауданының орталығы Сайхын ауылында шағын футболдан жолдастық кездесу өтті. Жарысқа Сайхын ауылының командаларымен қоса, Жәнібек ауданының футбол командасы да қатысты. Тартысқа толы болған кездесу барысында Руслан Уталиев, Аяби Марданов, Әлібек Кенжеғалиев, Алмат Ахмуллдин, Ілияс Каиров атты футболшылырмыз өрнекті ойын көрсетті. Сөйтіп, 6 команданың ішінен жартылай финалға шығып, «Жәрмеңке» командасын 6-3 есебімен ұтты. Ал финалда Сайхын ауылының құрамасымен кездесіп, оны 7-3 есебімен ойсырата жеңді. Кездесу қорытындысында жерлестеріміз жеңімпаз атанды. Көрші ауданға команданың барып қайтуына демеуші болған жеке кәсіпкер Жандос Уәлиевке футболшылардың ризашылығы шексіз.
М.Сырымов
Жәнібек ауданы
