Ақжайық ауданының орталығы – Чапаевта мешіт құрылысы жүргізіліп келеді. Арнайы ашылған мешіт қорына тұрғындардан, еңбек ұжымдарынан, жекелеген кәсіпкерлерден әлсін-әлі жарна түсіп тұрады. Уақыт өткен сайын әрине, тағы да қаржы қажеттігі белгілі болған-ды. Мұны білген Чапаев түлегі, Алматы тұрғыны, заңгер Аслан Қарағуйшиев айт күндері ерекше мәрттік танытты. Ол мешіт қорына 3 миллион теңгесін берді.
Айттың алғашқы күні туған ауылына келген Аслан Қазбекұлы кезінде ауыл-елге сыйлы жандар, еселі еңбек иелері атанған атасы Қабдол Қарағуйшиев пен әжесі Қанипа Харесоваға арнап дұға оқытып, садақа берді.
Болат ҚОСЖАНҰЛЫ
Ақжайық ауданы
