Теректі ауданында ірі қара, қой, шошқа және құс өсіріледі. Он бес шаруашылық 3647 бас асыл тұқымды мал ұстап отыр. Бұл – жалпы мал басының 8,3 пайызын құрайды.
- Он бір шаруашылық 3057 етті ірі қара өсірсе, үшеуі сүтті бағыттағы 590 бас ірі қараны баптайды. Бір шаруа қожалығы көшім жылқысын өсіруде. 2017-2020 жылдары «Сыбаға», «Құлан», «Алтын асық» бағдарламалары аясында тағы да 2430 ірі қара, 200 бас жылқы, 3500 бас қой сатып алу көзделуде - дейді, брифингке қатысқан Теректі ауданының әкімі Мұрат Мұқаев баяндамасында.