Қазақстан Республикасы Тәуелсіздігінің 25 жылдығына орай «Медициналық десант» эгидасымен аудандық ауруханада парамедициналық көмек көрсету бойынша дәріс өтті.
Аталмыш шараға аудан орталығының түрлі салада қызмет етіп жүрген мамандары қатысты. Аудандық аурухананың хирургі Азамат Жақсыгереев жиналғандарға слайд арқылы дәріс берді. «Бүгінгі таңда жарақат алудан адам өлімі әлемде 3-орын алады. Оның үстіне жыл сайын жолдар жөнделуде. Сондықтан жол-көлік оқиғасы да жиі орын алуы мүмкін. Бұл дәрісті біле жүрген кез-келген жанға артық етпейді», деді Азамат Жақсыгерейұлы. Дәріс барысында алғашқы медициналық көмек көрсету туралы құнды ақпарат беріліп, іс жүзінде қалай жәрдем жасалатындығы да көрсетілді.
Р.Сатыбалдиев
