ҚР Тәуелсіздігінің 25 жылдығы аясында, Жәнібек ауданы орталығындағы мекемелері арасында «Дені сау ұлт, саламатты Қазақстан» атты спартакиада жыл басынан бері жалғасын табуда. Осы шараға 12 командадан 6 команда қатысып, өздерін белсенді түрде көрсете білді. Спорттың 4 түрінен болған жарыс қорытындысында асық атудан жүлделі орындарды «Тұлпар», «Қайсар», «Батыс» командалары иеленді. Эстафеталық ойында алғашқы үш орынға «Тұлпар», «Бірлік», «Олимп» командалары шықты. Арқан тартудан I орынды «Тұлпар», II орынды «Батыс», III орынды «Олимп» командалары еншіледі. Ал турникке тартылудан I орын «Тұлпар», II орын «Факель», III орын «Олимп» командаларының қанжығасында кетті. Алдағы уақытта спорттың төрт түрінен өтетін жарысқа барлық командалар толық құрамда қатысса, нұр үстіне нұр болар еді.
М.Сырымов