Қазақстан Республикасы Тәуелсіздігінің 25 жылдығына арналған ұлттық спорт түрлерінен 1995-2000 жылы туған жастар арасында аударыспақ пен теңге ілуден оздырылған ашық қала біріншілігіне ауданымыздан спортшылар барып келген болатын.
«Біріншілікке тоғыз спортшы апарып, олардың ішінен аударыспақтан 60 келі салмақ дәрежесінде Сұлтан Уәлиханов II орын, 70 келі салмақ дәрежесінде Алмат Оразбай II орын, 70 келіде Мақсот Ғалым III орындар алса, Мирас Берікбаев «Жеңіске деген жігері үшін» мадақтама грамотамен марапатталды»,- дейді аудандық балалар-жасөспірімдер спорт мектебінің «Көкпар» тобының жаттықтырушысы Бейбіт Аронов.
Меңдігүл Фазылова
