20-22 қыркүйек күндері облыс орталығында 1999-2000 жылы туған жасөспірімдер арасында Қазақ күресінен «Жас барыс» чемпионаты өтті. Өңіріміздің барша аудандарынан және Орал қаласынан 12 команда қатысқан байрақты бәсекеде шыңғырлаулық жерлестеріміз Исламғалиев Айдос 64 келі салмақ дәрежесінде І орын, 100 келіден аса салмақта Закариев Дәурен І орынды жеңіп алды. Аудан спортын алға сүйреген осындай жеңісімен қос спортшы Қостанай қаласында өтетін Қазақстан Республикасының чемпионатына жолдама алып отыр.
Қаршыға Елемесов