5-8 тамыз аралығында Орал қаласында қол күресінен жасөспірімдер мен қыздар, ерлер мен әйелдер арасындағы аймақаралық жарыс өтпекші.
Әлемде бұл жарыс түрі – «Арм реслинг» деп аталады. Қазақ тіліне дәл аударсақ «білезік күресі» дегенді білдіреді.
Салауатты өмір салтын ұстану, қол күресін дамыту мақсатында өткізілетін дүбірлі додаға Қаратөбе аудандық балалар-жасөспірімдер спорт мектебінің шәкірттерінен 12 жас спортшы және Қоскөл ауылдық округінен 9 спортшы қатыспақшы.
35, 45, 55, 60, 65, 75, +75 келі салмақта өнер көрсететін өрендер қатарында Азия, республика біріншіліктерінде табысты өнер көрсетіп жүрген Руханият Ертайұлы, Фархат Қалиев, Қуаныш Саламатов, Сүйесін Құмаров сынды таланты жастар бар.
Серікбай Хасанов
Қаратөбе ауданы