Ақжайық ауданының орталығы Чапаевта волейболдан әйелдер арасындағы Батыс Қазақстан облысының көктемгі чемпионаты өтті. Үш күнге созылған ойында облыс орталығынан, аудандардан келген 9 команда қатысты.
Жарыс нәтижесінде І орынды Орал қаласындағы олимпиадалық резервтің мамандандырылған балалар-жасөспірімдер мектебінің «Грация», ІІ орынды оралдық «Грация-2001», ІІІ орынды Ақжайық ауданы құрамасы командалары иеленді. Жеңімпаз командаларға алғыс хаттар мен кубоктар табысталды.
-Бұл чемпионат жоғары деңгейде өтті. Әсіресе, Ақжайық ауданы құрамасы, «Грация-2001», Бөрлі мен Шыңғырлау командаларының ойыны өте тартысты болды. Орынға ілікпесе де, ерекше атап өткім келетіні - Тайпақ ауылдық округі командасы. Команда мүшелері бір-бірін түсініп, байыппен ойнайды. Осы кездесулерде үздік ойын көрсеткен бөрлілік Анна Вителкина мен ақжайықтық Виктория Макейдің болашағынан зор үміт күтеміз, - дейді облыстық қыздар құрамасының аға жаттықтырушысы Нұрсұлу Ғұбашева.
Бекболат ҚАЛЕНОВ
Ақжайық ауданы
zhaikpress.kz
