Теректі ауданының әкімі Әділ Жоламанов пен «KAZAKH INVEST» ҰК АҚ БҚО бойынша филиалының директоры Н.Каиршин Алғабас ауылындағы мұнай өңдеу зауыты құрылысымен танысты.
Темір жол бойындағы Алғабас ауылы маңы қазір қызу қарбаласта. Биыл зауыт құрылысына «АВС МҰНАЙ» ЖШС 30 млн. АҚШ долларын бөлген. Зауыт алаңына дейін темір жол тармағы тартылып жатыр. Жұмыс басында 50-ден астам техника бар. Қасынан әкімшілік ғимараты, жұмысшыларға арналған жатақхана, асхана салынбақ.
Қазірдің өзінде мұнай өңдеу зауытын салуға 100-ден аса адам жұмылған.
Камелия Өтеу,
Теректі ауданы
zhaikpress.kz
Батыс Қазақстанның маңызды жаңалықтарын біздің Instagram-дағы парақшамыздан және Telegram арнамыздан алғашқы болып біліңіздер
