Биылғы жыл Жаңақала ауданында туризм жылы болып жарияланды.
Осы туризм жылына орай 11-12 қазан күндері Жаңақала аудандық жас туристер станциясының ұйымдастыруымен, жыл сайын дәстүрге айналып отырған аудандық «Алтын Дала – 2017» туриадасы өткізілді.
Туриаданың ашылуында сөз алған Жаңақала аудандық жас туристер станциясы директорының міндетін уақытша атқарушы Айгүл Досболатқызы жарысқа қатысушыларға сәттілік тіледі.
Туриадаға қатысу керек 14 команданың ішінен 7 мектептің командалары ғана қатысты.
«Өткелдер қашықтығы», «Спорттық бағдарлау», «Туристік кедергілер жолағы», «Туристік əн» бағамдары бойынша командалар тартысқа түсті.
Жарыстың қортындысы бойынша жалпы командалық есепте l орынды Жаңақала мектебінің командасы иеленсе, ll орынға Ə.Жангелдин мектебінің командасы ие болды. Ал lll орын Жаңақала мектеп-гимназиясының командасына бұйырды.
Барлық жеңімпаз командалар дипломмен жəне сыйлықтармен марапатталды.
Облыстық кезеңде жеңімпаз команда бақ сынайтын болады.
А.ТҰРМҰХАШЕВА
Жаңақала ауданы
