Бөрлі ауданының дене шынықтыру және спорт бөлімі мен аудандық білім беру бөлімі, «Ақсай» мәдени-бұқаралық ұлттық ат спорт кешені оқушыларға атқа міну мәдениеті туралы сабақ өткізді.
«Атқа міну Ұлы даладан тараған» тақырыбымен өткен сабаққа Ақсай қаласының №1 мектеп-балабақша кешені және №5 мектептен 600-ге жуық оқушы қатысты.
Оларға атты ерттеу, дұрыс отыру, арбаға жегу көрсетілді. Шара соңында оқушылар атқа мініп, арбаға отырды. Айта кетейік, шара жыл басынан бастап қаладағы № 2, 3, 4, 6 мектепте өткізілді.
Мейрамбек Сыдықов
Бөрлі ауданы
zhaikpress.kz
Батыс Қазақстанның маңызды жаңалықтарын біздің Instagram-дағы парақшамыздан және Telegram арнамыздан алғашқы болып біліңіздер
