Бүгін Бәйтерек ауданының әкімі Асхат Шахаров аудан орталығындағы Ұлы Отан соғысының ардагерлері Қабдисат Избасов және Макар Дорошенконың шаңырағында болып, бейбіт күн сыйлаған ардагерлерді Жеңіс күні мерекесімен құттықтап, сыйлық табыстады.
-Бүгінгідей бейбіт заманның мәңгі орнауы сіздердің ерліктеріңіздің ерен үлгісі. Сіздердің соғыс даласында көрсеткен жанқиярлық ерліктеріңіңіз жас ұрпаққа өнеге.
Егеменді еліміздің аспаны әрқашан ашық, ардагерлеріміз ұзақ ғұмыр жасасын! - деген аудан әкімі облыс әкімі Алтай Көлгіновтің және «Юнисерв» құрылыс компаниясының атынан сый-сияпат ұсынды.
Аудан әкімінің ыстық ықыласына риза болған ардагерлер алғысын білдіріп, бата берді.
Айта кету керек, ардагерлерге аудандық мәдени-демалыс орталығы жанындағы үрмелі аспаптар ансамблі мерекелік көңіл күй сыйлап, өнер көрсетті.
Ертай Бимұханов,
суреттерді түсірген Сәлім Мәмбетәлиев
Бәйтерек ауданы
zhaikpress.kz
Батыс Қазақстанның маңызды жаңалықтарын біздің Instagram-дағы парақшамыздан және Telegram арнамыздан алғашқы болып біліңіздер