Жәнібек ауданының әкімі Азамат Сафималиев аудан тұрғындары алдында есебі кезінде осылай деді.
Оның айтуынша, аудандағы 18 елді мекеннің 13-і газбен қамтылған. Ал Ақадыр және Жігер елді мекендерінде тұрғындар санының 50-ден кем болуына байланысты газбен қамту экономика тұрғысында тиімсіз болып отыр.
- Өткен жылы Майтүбек және Жұмаев елді мекендеріне газ жеткізілді. Ал Өнеге елді мекеніне газ тарту жұмыстары осы жылы жүргізіледі. Аталған 3 елді мекеннің тұрғындарын көгілдір отынмен қамтамасыз ету мақсатында жобалық сметалық құжаттамалары жасақталып, қазіргі уақытта сараптамадан өткізілуде.
Жоғарыда аталған 3 елді мекен көгілдір отынмен түгелдей қамтылғанда, аудан газбен 100% қамтылады, - деді Азамат Сафималиұлы.
zhaikpress.kz
Сурет Айбатыр Нұраштікі
