25 жастағы қазталовтық Баубек Ілиясов қаңтар айында 60 шақырымдық марафонды бағындырып еді.
Енді бүгін Баубек өзінің рекордын жаңартты. Яғни,12 сағатта 110 шақырымды жүгіріп өтті. Марафоншы жігітті шаршап тұрса да әңгімеге тарттық. - Мен алдыма мақсат қойдым. Бүгін сол мақсатымның бірі орындалды. Таңғы бес жарымда 14 градус аязда Сарықұдық ауылынан Қазталовты бет алып, желге қарсы жүгіре бастадым. Әрине, оңай болмады. Десе де мақсат еткен соң орындау қажет, - деп әңгімесін қысқа қайырды. Ауылдастары Баубекті құрметпен қарсы алды.
Гүлнұр Қазбек
Қазталов ауданы