Ақжайық ауданында төтенше жағдайлар бөлімі мен №6 жедел құтқару жасағы үшін 8 наурызда кешке қарай аса қарбалас болды.
Ауданның Көнеккеткен ауылдық округінің «Ақтөбе» қыстағы маңында сай-салада 5 жеңіл машина тоқтап қалғаны жөнінде хабар түскен соң олар бульдозерлі тракторды алып, «УАЗ» көлігімен шықты. Аталған қыстақ Орал-Индер көтерме жолына таяу, Жайықтың сол жағалауында. Әлгі 5 көліктің бәрі, олардың арасында көршілес Жаңақала ауданының тұрғындары мінген автомобильдер бар, мұз үстімен оң жағалауға, яғни Чапаевқа өтуі керек екен.
- Сағат 18-21 аралығында көліктер қар құрсауынан құтқарылды. Бұларда 17 кісі, олардың арасында 4 бала болды,- дейді №6 жедел құтқару жасағының жетекшісі Марат Қабақаев.
Бекем БЕКҰЛЫ
Ақжайық ауданы
