Қаратөбе ауданында сотқа дейінгі жеделдетілген тергеп-тексеру жөнінде дөңгелек үстел өтті.
Шарада сөз алған аудандық соттың төрайымы Бақытгүл Жәңгірова:
– 2017 жылдың он бір айында 18 қылмыстық іс түсті. Оның төртеуі сотқа дейінгі жеделдетілген тәртіппен түскен. Хаттамалық нысандағы істерді қоспағанда, сотқа дейінгі тергеп-тексеру жеделдетілген тәртіппен аяқталуы мүмкін. Егер жиналған дәлелдемелермен қылмыс фактісі, оны жасаған адам өз кінәсін толық мойындағандығы, келтірілген залал мөлшерімен келіскендігі анықталса, сотқа дейінгі жеделдетілген тергеп-тексеру жүргізілуі мүмкін. Сотқа дейінгі жеделдетілген тергеп-тергеу он бес тәулік ішінде аяқталуға тиіс, - деді сот төрайымы.
Кезегінде сөз алған Қаратөбе ауданының прокурорының міндетін атқарушы С.Ниязбаев:
Қазіргі кезде аудандық прокуратурамен алты қылмыстық іс процестік келісім, төрт қылмыстық іс сотқа дейінгі жеделдетілген тергеп-тергеу тәртіпте, 5 қылмыстық іс жалпы тәртіпте, бір қылмыстық іс хаттамалық жүйеде жіберіліп жолданды. Кейбір қылмыстық істер өзімізден қысқартылды,- дейді.
Дөңгелек үстел соңында аудандық сот төрайымы Бақытгүл Шабайқызы «Сотқа дейінгі жеделдетілген тергеп-тексеру» тәртіптегі сотқа жіберілген қылмыстық істерде қаулы салынбағандығын, алдағы уақытта қылмыстық іске салуды тапсырды.
Райымбек АБАЕВ,
Қаратөбе ауданы