Бүгін Қаратөбеде «Мерейлі отбасы – 2019» ұлттық байқауының аудандық кезеңінің жеңімпаздары анықталды.
Шарада аудан әкімі Жанат Асантаев отбасы дәстүрі мен құндылықтарының маңыздылығына тоқталып, байқау жеңімпаздарын марапаттады.
Сайысқа қатысушы отбасылар – бүгінде ауыл-аймағының маңдайалды жанұялары.
Өнерлі де өнегелі отбасылар сайысқа түскен байқау нәтижесінде I орынды жеңіп алған қаратөбелік Тажаяқовтар отбасы мен II орыннан көрінген жусандыойлық Ғабдуллиндер жанұясы байқаудың облыстық кезеңіне жолдама алды.
Үшінші орынға Қаракөл ауылдық округінен келген Боранбаевтар жанұясы ие болды. Егіндікөлдік Ахбалиндерге төртінші орын берілді. «Ізденімпаз отбасы» аталымы бойынша аққозылық көп балалалы Тұрмағанбетовтар, «Талантты отбасы» аталымымен саралжындық Меңдіғалиевтер, «Өнерлі отбасы» аталымымен қоскөлдік Әжіғалиевтер, «Білімді отбасы» аталымымен сулыкөлдік Исмагуловтар марапатталды.
Раушан Мергенова,
Қаратөбе ауданы
zhaikpress.kz
Батыс Қазақстанның маңызды жаңалықтарын біздің Instagram-дағы парақшамыздан және Telegram арнамыздан алғашқы болып біліңіздер